Letter 1003: With the arrival of the present bearers, the gifts of your longed-for and revered affection have reached me now for...

Avitus episcopus Eustorgio episcopo. Adventu praesentium portitorum ecce iam secundo ad me desiderandi reverendi- que affectus vestri dona venerunt: quae tamen plus fierent prosperitate secunda, si fierent numerositate copiosa. Revera duplex in litteris vestris materia gratulationis accessit. Primum quod salvam mihi gratiam sic etiam in vestro, sicut in vestrorum extitit animo decessorum, hereditario monstratis affectu; deinde quod in eo me famu- lari negotio praecepistis, quo dum tuendae vel reparandae libertatis curam geritis, etiam me non indignum tali ministerio censuistis. Impletum est igitur beatitudinis vestrae sanctum ac spiritale praeceptum. Cumulastis oratione mercedem: interventu vestro pretiosius factum est pretium, quod misistis; victa est per reverentiam vestri in rigore barbarico humilitate immanitas, intercessione crudelitas. inlatione cupiditas. Conicimus, qualiter illic praedicationibus duriores animos edomatis, cum etiam inter- veniendi viribus absentia vobis saxa sic frangitis. Visitatur opere vestro nostrarum aerumna regionum: et emanans ex largiendi thesauro irrigui fontis ubertas, cum Ita- liam rigaverit, respergit et Galliam. Quapropter depenso salutationis honorificae famu- latu me utique vestro intercessu vel favori votis profusae supplicationis insinuo: optans licet in cunctis, in his tamen specialius causis litteras vestras: in quibus sic vobis per misericordiam competat, ut etiam me per oboedientiam vestrorum operum fructus attingat.