Letter 1004: Though the person of this venerable bearer commends himself to the hearts of brotherly love, the holy Bishop...

Avitus episcopus Caesario episcopo. Licet ipsa se venerandi portitoris persona animis fraternae caritatis insinuet, sanctus tamen Maximianus antistes hanc peculiarius ad vos officii mei paginam petiit destinari: per quam me potius ab illo, quam illum a me commendari debere mani- festum est. Et quia iubere dignatus est necessitates suas sermone meo pandere, nihil dicendum de peregrinationis labore suscepi: quia, quantalibet vel temporum longitudine vel itineris vastitate genitalis patriae linquat habitaculum, peregrinus sacerdos dici non potest, ubi catholica reperiri ecelesia potest. Quamquam nec illa vobis regionis suae subversio quasi incognita exaggerari debeat: cum pietatem vestram quaerentem ubique misericordiae aditus non lateat, ubi est miseriae locus. Principalis tamen ei, quantum dignatur adserere, causa veniendi est, ut peritiorem medicum quocumque perquirat, qui imbecillitati corporeorum luminum cuiuscumque remedio artis succurrat. Quam- quam religiosae mentis intuitus contemplandis magis spiritalibus occupatus nec nimium de exterioris hominis caecitate perterritus eo temperamento hanc, quantum comperi, curam requirat, ut amatoribus potius suis satisfacere in huius studii necessitate con- tendat; simul et ne videatur per neglectae sanitatis culpam facultas in eo sacerdotalis officii reprehensibiliter minorata. Spem vero recipiendi obtutus, quantum arbitror, et ab exemplo requirit, quod scilicet Tobiam nostrum caligantem quidem terrestribus, sed quae mundo erant invisibilia contuentem, attentum aeternae luci et iam paene diei mortalis immemorem, latens in angelo medicina reduxerit per collyrium fellis ad dul- cedinem sanitatis. Quocirca suscipite fratrem sinceritate solita, reverentia digna: et si quid consolationis anxio debetur, impendite. Implebitur autem commune desiderium. si etiam qualiscumque infirmitatis medela provenerit. Quod certe si minus, saltem in- corruptibilem vultum pietatis alternae nulli obnoxius caecitati sacerdotalis conscientiae oculus recognoscat.