Letter 3012: For the firmness of a divine promise, let what you first granted stand as your "Yes, yes!

Avitus episcopus Viventiolo episcopo. Ad firmitatem promissionis divinae sit, quod antea concessistis Est est! quod postea repetistis Non non! quia, si bene occupatione praesentium qualitas pertracta- tur, condicionem inter nos habitam, etiam si tunc non debuisset interseri, modo spe- cialiter deceret impleri. Avitus episcopus. Constantio episcopo. Litteras sanctitatis tuae in pascha quidem, sed non paschales accepi, nihil utique de caritate aut sollicitudine praeferentes: Iubebas, ut fratrem et consacerdotem nostrum Candidianum, quem ego quasi peculiarem commendaveram, non solum ad clericorum, verum etiam ad laicorum audientiam destinarem, a quibus constat diaconum eius pro civili causa servili custodiae mancipatum. Et ideo, si censetis omnia de clericis vestris laicorum testimonio credenda, rescribite. Consequens erit, ut tum saecularium noti- tiam ex omnibus, quae in rumorem veniunt, consulamus. Illud tamen quasi amator tuus suggerere ac monere praesumo, ne propter leves causas et non ad deum, sed ad sae- culum pertinentes ne laici quidem, non dicam clerici, sancta communione priventur, quia nescit, cuius dignitatis ipsa communio sit, qui non eam omni animositate seposita et cum magno dolore suspendit et cum maxima festinatione restituit. Apollinaris episcopus Avito episcopo. Cogitans atque pertractans, inofficiositatem vestram qua ultione percellerem, nil dignius iudicavi, quam si declinatam iniuriam nihil segnius intentarem. Nequaquam igitur in posterum vereamini, qui cernitis praesentem noxam protinus expiari.