Letter 3028: Avitus, bishop, to the most holy brother Apollinaris.

Avitus episcopus Apollinari episcopo. Innexus pariter adgravatusque dignatione sollicitudinis, magnitudine muneris, con- suetudine pietatis, qua digna vel gratiarum actione, non dicam obsequii sedulitate re- spondeam? nisi forte multipliciter atque invalidus eadem in hoc sustenter gratia vestra, qua oneror. Concedat vos ornatui ecclesiae, consolationi ac refectioni nostrae omni- potens deus: ut, quia revera non solum vobis vivitis, per aliorum solacia vestra merita cumuletis. Fecerunt quidem peccata mea non qualemcumque necessitatem, qua in die susceptae vestrae festivitatulae laetitiae nostrae, corporalis vestrae pietatis prae- sentia fraudaremur. Sed reddidistis ac repraesentastis nobis vicissitudinem vestri ad- spectus in lumine, oris in sermone, actus in opere. Credo in dei nostri misericordia, quod non meo tantum tempore, sed etiam secuturo donum vestrae oblationis ecclesiola nostra venerabitur. Quod sicut ego, dum vivo, in testimonium inexhaustae largitatis servare desidero, ita mihi deus praestet, ut etiam ei, quem post me, cum deus iusserit, electio vestra decreverit, peculiariter auctoritas vestra commendet.