Letter 1028: VARIAE, BOOK 1, LETTER 28
XXVIII. UNIVERSIS GOTHIS ET ROMANIS THEODERICUS REX.
[1] Digna est constructio civitatis, in qua se commendet cura regalis, quia laus est temporum reparatio urbium vetustarum: in quibus et ornatus pacis adquiritur et bellorum necessitas praecavetur. [2] Ideoque praesenti iussione profutura sancimus, ut, si quis cuiuslibet generis saxa in agris suis iacentia muris habuerit profutura, libens animo sine aliqua dilatione concedat, quod tunc magis verius possidebit, cum hoc utilitati suae civitatis indulserit. [3] Quid est enim gratius quam videre crescere publicum decus, ubi omnium utilitas in generalitate concluditur? et licet praestentur vilia, ad auctores suos magna sunt commoditate reditura: datur enim plerumque, quod maiori utilitate recipitur. et frequenter homo lucra sua complectitur, cum necessario pro temporis qualitate largitur.
Related Letters
VARIAE, BOOK 9, LETTER 9
VARIAE, BOOK 1, LETTER 24
Although every advancement must be attributed to the gifts of God, and nothing good exists unless it is recognized...
KING THEODERIC TO ALL GOTHS AND ROMANS RESIDING AT DERTONA.
The provident commands of a ruler should be a cause for joy, since we are offering what you yourselves should have...