Letter 2004: King Theodoric to Ecdicius, a Man of Honor.
IIII. ECDICIO VIRO HONESTO THEODERICUS REX.
[1] Delectamur vetustatis invento et sequi regulas constitutas libenter amplectimur, quia locus subreptionibus non relinquitur, quotiens rationabiliter constituta servantur. et ideo supplicationum tuarum tenore comperto praesenti auctoritate definimus, ut quicquid ad Antiochum, siliquatici vel monopolii titulos exercentem, nostra iussione pertinuit, ad te ratione simili transferatur, contra omnium calumniantium insidias salva aequitate praesenti auctoritate munitus: habiturus etiam amminicula saionis, quae pro vindicandis titulis antefatis nostra tibi sollemniter deputavit auctoritas, ita tamen ut privatis minime negotiis misceatur defensio tua. nam quod ad auxilium dedimus, contrarium nullo modo iustitiae sentiatur, quia rationabiliter aliena culpa te respicit, si quem tibi petis prodesse, per te sibi alter sentiat obfuisse.
Related Letters
It seems to me that you are being pushed to push me by your own sister, who is Philoxenus's mother.
The sons of a dear friend have come to a dear friend through a dear friend.
If ever there was a time when my people in the Auvergne [Clermont-Ferrand, the central city of the Arverni in...
This Philoxenus has proven himself splendid in every way -- in stature, in voice, in his sense of propriety, and in...
We are not unaware of the principles with which you approach your office, and knowing them we do what friends...