Letter 3027: It is the purpose of royal compassion to cut off the ground for unjust hatreds and to restrain the arrogance of...
XXVII. IOHANNI V. S. CONSULARI CAMPANIAE THEODERICUS REX.
[1] Propositum est pietatis regiae locum iniustis odiis amputare et potestatis armatae supercilium cohibere reverentia iussionum. infesta est siquidem humilibus superioris offensa, cum ad laudem trahitur, si vindicta de mediocribus adquiratur. proinde diu varia persecutione iactatus ad pietatis nostrae remedia haud irrite convolasti, asserens eminentissimam praefecturam tibimet esse terrori, ne privata odia in te satiarentur per publicam disciplinam. [2] Sed nos, qui donatas dignitates iustitiae parere cupimus, non dolori, contra illicitas praesumptiones nostra te tuitione vallamus, ut regiae maiestatis obiectu ferventium furor animorum in suis cautibus elidatur et de se magis poenam sumat protervia, dum cohibetur innoxia. tamdiu enim iudex dicitur, quamdiu et iustus putatur, quia nomen, quod ab aequitate sumitur, per superbiam non tenetur. [3] Restat nunc, ut assumptum impleas consularitatis officium et te utilitatibus publicis, quas tuos egisse constiterit decessores, sedulus ac devotus impendas quantumque a nobis protegeris, tantum modestiae parere festines. nam si gaudio perfrueris, quod a laesione tua praefectos praetorio remotos esse cognoscis, qui sub illo esse monstraris, quid te male agentem passurum esse cognoscis?
Related Letters
It is most fitting to protect what belongs to others when we ourselves are bound to confer our own gifts.
Antiquity, that regulator of all things, carefully provided that since many people required the services of our...
While you seek the open sea with words arranged in calm harbor, and describe the uncertainties of the liquid element...
The fortification of cities is the sure hope of all, since in peacetime foreign peoples learn from it what they...
I would return the favor, were it not that returned praise would burden the affection of a friend's heart.