Letter 3045: Our justice demands that we not allow calumnies against our granted benefits, and that whatever is concealed by...
XLV. ARIGERNO V. I. COMITI THEODERICUS REX.
[1] Iustitiae nostrae convenit, ut de indultis beneficiis calumnias fieri non sinamus, et quicquid prava interpretatione tegitur, fugata mendacii nube revelemus. defensores itaque sacrosanctae ecclesiae Romanae conquesti sunt beatae recordationis quondam Simplicium domum in sacratissima Urbe positam ab Eufraxio acolutho instrumentis factis sollemniter comparasse, quam per annorum longa curricula ecclesiam Romanam quieto iure suggerunt possedisse et in usus alios transtulisse securitate dominii. [2] Nunc autem existere Samareae superstitionis improba fronte duratum, qui synagogam ibidem fuisse iniquis conatibus mentiatur, cum ad humanos usus habitacula longe aliter formata doceantur, quam potest esse memorata constructio. quapropter magnitudo tua conscientiae suae probata iustitia causam diligenti examinatione discutiat et, si vera cognoverit quae veniunt in querelam, considerata aequitate definiat. nam si humanis actibus sunt calumniae summovendae, quanto magis emendanda credimus quae contumeliam divinitatis tangere iudicamus!
Related Letters
It is the purpose of our compassion not to deny a hearing to pitiable pleas, especially since it is our custom to...
King Theodoric to Arigernus, Vir Illustris [Most Illustrious], Count.
VARIAE, BOOK 1, LETTER 40
Queen Amalasuntha to the Senate of the City of Rome.
Those who chose our clemency deserve good things, so that we may prove through their advancement that their decision...