Letter 4023: King Theodoric to Arigernus, Vir Illustris [Most Illustrious], Count.
XXIII. ARIGERNO V. I. COMITI THEODERICUS REX.
[1] Quamvis oporteat commissam tibi disciplinam Romanae civitatis in omnibus custodiri, tamen in eis maxime studiosior esse debes, quae nostra tibi auctoritate delegata cognoscis, ut circa te augeat gratiam custodita iustitia et augmenta sumas nostri iudicii, qui nobis hactenus de integritate placuisti. [2] Praefectus igitur urbis sua nobis relatione declaravit Basilium atque Praetextatum magicis artibus involutos impeti accusatione multorum: quos elapsos intimat mentis alienatione custodum. eos te praecipimus ubicumque repertos ad iudicium quinquevirale ducere, quod in praesenti negotio nostra delegavit auctoritas, ubi te residere censemus, ut violenta omnium defensione summota hanc causam discuti facias legibus et finiri. [3] Et si rei criminis, cuius impetuntur, fuerint approbati, sententiam subeant, quam iuris definita sanxerunt. si vero innocentia eorum detestabili pulsatur invidia, opprimi eos nulla ratione patiaris, quia in omnibus causis consideratione divina illud fieri volumus, quod opinionem nostrae pietatis accumulat.
Related Letters
Our justice demands that we not allow calumnies against our granted benefits, and that whatever is concealed by...
It is the purpose of our compassion not to deny a hearing to pitiable pleas, especially since it is our custom to...
Fairness demands that each person, after completing their term of service, should arrive at the fruit of their...
All would be well with my spirit if you would at least condescend to write.
Part of the papal correspondence surrounding the Acacian Schism (484-519), the major breach between Rome and...