Letter 4030: King Theodoric to Albinus, Vir Illustris [Most Illustrious], Patrician.
XXX. ALBINO V. I. PATRICIO THEODERICUS REX.
[1] Decet quidem cunctos patriae suae augmenta cogitare, sed eos maxime, quos res publica sibi summis honoribus obligavit, quia ratio rerum est, ut eum necesse sit plus debere, qui visus est maiora suscipere. [2] Porrecta itaque supplicatione testatus es Curvae porticus, quae iuxta domum Palmatam posita forum in modum areae decenter includit, superimponendis fabricis licentiam condonari, ut et privatarum aedium habitatio protendatur et antiquis moenibus novitatis crescat aspectus. ita fit, ut, quod per incuriam poterat labi, manentum videatur diligentia sustineri, quia facilis est aedificiorum ruina incolarum subtracta custodia et cito vetustatis decoctione resolvitur, quod hominum praesentia non tuetur. [3] Unde nos, qui urbem fabricarum surgentium cupimus nitore componi, facultatem concedimus postulatam, ita tamen, si res petita aut utilitati publicae non officit aut decori. quapropter rebus speratis securus innitere, ut dignus Romanis fabricis habitator appareas perfectumque opus suum laudet auctorem. nulla enim res est, per quam melius possit agnosci et prudentis ingenium at largitatis effectus.
Related Letters
Four times I have sent letters to Your Greatness, and four times the silence has answered me.
When the report of our common grief reached me by rumor — and I was surprised not to have learned of it first from...
When I visited the country house of my mother-in-law at Alsium, which at one time belonged to Rufus Verginius, the...
Your Clemency is right to trust, as your glorious letter conveyed to me, that your republic will especially prosper...
Part of the papal correspondence surrounding the Acacian Schism (484-519), the major breach between Rome and...