Letter 5025: VARIAE, BOOK 5, LETTER 25
XXV.
BACAUDAE V. S. THEODERICUS REX.
[1] Fessos annos munificentia nostra corroborat, dum aetatem occiduam penuriae non facit detrimenta sentire. iuvenum siquidem virtus praesumptione laboris animatur: sola senum vita est quietis invenisse remedia. atque ideo tua supplicatione permoti designati tribunatus curam in Mediolanensi urbe diligentissime peragendam ad te decernimus pertinere ita, ut, quod est in rei publicae militia novum, donec vixeris, numquam tibi successorem tribuat cuiusquam plectenda praesumptio, quatenus in exhibendis voluptatibus officii huius cura, mansuetudinis nostrae beneficio, iugiter perfruaris, habens in utroque, quod tuam consoletur aetatem, loci commodum et laetitiam voluptatum.
Related Letters
Part of the papal correspondence surrounding the Acacian Schism (484-519), the major breach between Rome and...
The dispensation of heaven arranges our affairs with a wisdom we rarely appreciate at the time.
Although you have frequently been praised in honors of your own and in the distinction of your brother, nevertheless...
VARIAE, BOOK 2, LETTER 9
VARIAE, BOOK 2, LETTER 11