Letter 191: Part of the papal correspondence surrounding the Acacian Schism (484-519), the major breach between Rome and...

Hormisdae papae ad Gratam. Ut de salute sua ipsum certiarem faciat, Hormisda Grato viro sublimi*). Contristavit nos amplitudinis vestrae silentium, quia inter quas- libet occupationes nostri esse non debuistis immemores. Et ideo ne quod in vobis reprehendimus incurrere videamur, necesse fuit operam stili praesentis assumere, per quam nobilitatem tuam honorifice salutamus, postulantes, ut sollicitudinem nostram de bono vestrae prosperitatis non desinatis efficere certiorem, quia incolumitatis vestrae bona quibuslibet indiciis Deo nostro cupimus propitiante cognoscere.