Letter 5002: SIDONIUS TO HIS DEAR NYMPHIDIUS, GREETINGS
EPISTULA II
Sidonius Nymphidio suo salutem.
1. Librum de statu animae tribus voluminibus inlustrem Mamertus Claudianus peritissimus Christianorum philosophus et quorumlibet primus eruditorum totis sectatae philosophiae membris artibus partibusque comere et excolere curavit, novem quas vocant Musas disciplinas aperiens esse, non feminas. namque in paginis eius vigilax lector inveniet veriora nomina Camenarum, quae propriam de se sibi pariunt nuncupationem. illic enim et grammatica dividit et oratoria declamat et arithmetica numerat et geometrica metitur et musica ponderat et dialectita disputat et astrologia praenoscit et architectonica struit et metrica modulatur.
2. huius lectionis novitate laetatus excitatusque maturitate raptim recensendam transferendamque, ut videras, petisti, ut petieras, impetrasti sub sponsione citae redhibitionis. nec me falli nec te fallere decet. tempus est commodata restitui, quia liber ipse, si placuit, debuit exhibere satietatem, si displicuit, debuit movere fastidium. tu autem, quicquid illud est, fidem tuam celeriter absolve, ne si repetitum libellum serius reddere paras, membranas potius videaris amare quam litteras. vale.
Related Letters
Simplicius deprives a certain bishop of the power of ordination which he has abused, removes those illicitly...
Gozolas, a Jew by nationality and a client of your household — a man whose person would be dear to me as well, if...
1. He exhorts him to act with moderation towards two bishops who have offended him. Leo, the bishop, to Rusticus, bishop of Gallia Narbonensis.
If ever there was a time when my people in the Auvergne [Clermont-Ferrand, the central city of the Arverni in...
The man who should have delivered your letters to me instead delivered mine to you.