Letter 5014: Are you enjoying the hot springs at Baiae right now — the sulfur water belching out of rough pumice caverns, the...
EPISTULA XIV
Sidonius Apro suo salutem.
1. Calentes nunc te Baiae et scabris cavernatim ructata pumicibus aqua sulpuris atque iecorosis ac phthisiscentibus languidis medicabilis piscina delectat? an fortasse montana sedes circum castella et in eligenda sede perfugii quandam pateris ex munitionum frequentia difficultatem? quicquid illud est, quod vel otio vel negotio vacas, in urbem tamen, nisi fallimur, rogationum contemplatione revocabere.
2. quarum nobis sollemnitatem primus Mamertus pater et pontifex, reverendissimo exemplo, utilissimo experimento invenit instituit invexit. erant quidem prius, quod salva fidei pace sit dictum, vagae tepentes infrequentesque utque sic dixerim oscitabundae supplicationes, quae saepe interpellantum prandiorum obicibus hebetabantur, maxime aut imbres aut serenitatem deprecaturae; ad quas, ut nil amplius dicam, figulo pariter atque hortuloni non oportuit convenire.
3. in his autem, quas suprafatus summus sacerdos nobis et protulit pariter et contulit, ieiunatur oratur, psallitur fletur. ad haec te festa cervicum humiliatarum et sternacium civium suspiriosa contubernia peto; et, si spiritalem animum tuum bene metior, modo citius venies, quando non ad epulas sed ad lacrimas evocaris. vale.
Related Letters
To our holy and venerable brothers Aper and Amanda — Paulinus and Therasia, sinners.
To our holy, venerable, and most dear brother and sister, Aper and Amanda — Paulinus and Therasia, sinners.
It is true that a man's identity comes first from his father's line, but we owe a great deal to our mothers too.
To my holy and venerable brother Aper,
To the holy brothers Aper and Amanda — Meropius Paulinus and Therasia send greetings in God and Christ.