Letter 6010: To the Lord Bishop Censorius.
EPISTULA X
Sidonius domino papae Censorio salutem.
1. Gerulum litterarum levitici ordinis honestat officium. hic cum familia sua depraedationis Gothicae turbinem vitans in territorium vestrum delatus est ipso, ut sic dixerim, pondere fugae; ubi in re ecclesiae, cui sanctitas tua praesidet, parvam sementem semiconfecto caespiti advena ieiunus iniecit, cuius ex solido colligendae fieri sibi copiam exorat.
2. quem si domesticis fidei deputata humanitate foveatis, id est, ut debitum glaebae canonem non petatur, tantum lucelli praestitum sibi computat (peregrini hominis ut census, sic animus angustus), ac si in patrio solo rusticaretur. huic si legitimam, ut mos est, solutionem perexiguae segetis indulgeas, tamquam opipare viaticatus cum gratiarum actione remeabit. per quem si me stilo solitae dignationis impertias, mihi fraternitatique istic sitae pagina tua veluti polo lapsa reputabitur. memor nostri esse dignare, domine papa.
Related Letters
I am grateful to have received Your Holiness's letter, even if it came by way of an occasion rather than spontaneously.
You do a thing, my singular patron in Christ, that is in keeping with both your love and your way of life: you...
SIDONIUS TO THE LORD POPE PRAGMATIUS, GREETINGS
Are you enjoying the hot springs at Baiae right now — the sulfur water belching out of rough pumice caverns, the...
The word is that the Goths have moved their forces onto Roman soil.