Letter 10008: Ad eosdem in laude
VIII
Ad eosdem in laude
Si praestaretur praeconia pandere regum,
non mihi sufficeret nocte dieque loqui.
qualiter hic populus dominorum pendet amore
et vestris oculis lumina fixa tenet.
vos, quibus et speculum et lux et dulcedo manetis,
carum ornamentum his simul estis, honos.
praecipuum donum placidum et placabile regnum,
ac vestro in statu est culmen in orbe pium.
hicque parentela et patria et tutela coruscat,
hic decus atque gradus, hic pietatis opus.
hic tranquilla quies, hic spes iucunda fideli,
postque deum in vobis dona salutis habent.
hic ego cum populo mea vota et gaudia iungo,
quae pius amplificans crescere Christus agat.
praestet cura dei vos longa in sede tueri,
caelesti ac dono regna tenere diu.
adquiratis adhuc nova vel possessa regatis
ac pie participes has foveatis opes,
ut tibi quae floret de nato et germine, messem
maturam videas, mater honore micans;
sic ut et ex genito genitisque nepotibus amplis
altera progenies inclita detur avae.
de Childeberctho dulcedine flore salute
fructum habeas genetrix, plebs sua vota videns.
de nata atque nuru cumulet tibi dona creator
cumque pio merito stes placitura deo.
hic ego promerear rediens dare verba salutis.
congaudens dominis parvulus ipse piis:
prospera sint regum, populorum gaudia crescant:
exultet regio, stet honor iste diu.
Related Letters
**From:** Gregory I, Bishop of Rome
The divine precepts admonish us to love our neighbours as ourselves; and, seeing that we are enjoined to love them with this charity, how much more ought we to succour them by supplies to their carnal needs, that we may relieve their distress, if not in all respects, yet at least with some support. Inasmuch, then, as we have found that the son o...
I need your help in compelling Stephen, who holds episcopal office, to submit himself to the judgment he has been...
What tongue may suffice to speak, what mind to think, what great thanks we owe to Almighty God for the serenity of your empire, in that such hard burdens of long duration have been removed from our necks, and the gentle yoke of imperial supremacy has returned, which subjects are glad to bear? Glory, then, be given to the Creator of all by the hy...
Gregory to Cyprianus, deacon [papal agent managing Church estates in Sicily].