Letter 8012: What a crime has crept into the holy enclosure of the assembly!

XII Ad eundem pro causa abbatissae Repsit quale nefas intra pia saepta synaxi! inconsulte dolor, rumpere verba vetas: quale nec ante oculos patulas neque polluit aures nec facerent, vitio qui sua fana colunt. tu tamen, alme pater, pietatis amore labora ut sacer antistes, culmina cuius habes, unde repraesentes Martinum in tempore sacrum, cursibus atque fide dando salutis opem. a Epistula pro eadem re Commendans humilitatem meam copiosissimae vestrae dulcedini et mitissimae do- minationi suggero, ut (causa universalis ecclesiae talem vos habens basidem, ut nullus ventorum turbo succlinans, nulla procellarum propellens congeries possit illic invenire quod quatiat, aut quod labefactet reperiat) in causa, qua conservus meus presbyter, praesentium portitor, ad vos pro singulari praesidio confidens occurrit (sicut ipse sin- gula poterit explicare), memores commendationis beatae dominae meae, filiae vel iam matris vestrae, domnae Radegundis, pro loci sui vel personae totiusque regulae sta- bilitate quod petiit et verborum vel viscerum supplicatione commisit, ita praecipiatis infatigabiliter laborare qualiter ipse vobis in retributione sempiterna restituat qui videt, pro auxilio indigentibus in causa iustitiae vester apostolatus pastoraliter quod desudat.