Letter 3032: If I were not groaning with a shaken heart over the fall of a friend, there is much I would say about you — lying in...

Avitus episcopus viro illustrissimo Heraclio. Nisi dolendum amici casum animo concussus gemerem, multa profecto exaggera- rem, quod vos in lectulo mendacis podagrae metu, medici vegetos de arte consueta, plus quam poeticae pedibus innitentes montium scandendorum magis moveat cura, quam versuum. Maestus vero has et cum festinatione dictavi, evocatus videlicet ad sepulturam communis filii quondam Protadi: sic tamen vel in hoc ipso patri aliquid consolationis impendat. Vobis porro si cordi est, facta de nobis ex asse iac- tura, ab incursibus formidandis Rodano limitante muniri, tenete adhuc, dum redeo, et Ceratium nostrum de meo habentem aliqua, de vestro nonnulla, quia me scholasticum vobis adserit bellicosum sumens de matris sapientia, quod libenter barbaros fugit, de virtute paterna, quod litteris terga non praebuit. Heraclius Avito Viennensi episcopo. Indicastis quidem tantam doloris causam, quae epistularis officii responso clau- deretur, ut durissimo nuntio vulnus inflictum plus me lacrimis cogeret servire quam litteris. Tamen metuens silentii culpam vel suspiriis pauca meis, ut potui, verba furatus sum. Probant igitur tempora, cui rectius adscribatur nota formidinis, quem magis trepidum provisio claustris commissa designet. Ego urbis caveas dedignatus inter vicina discrimini constantiam pectoris planis exposui, ut tamdiu ad patentium locorum aequora pervenirem, ut virtutis audaciam libertate habitationis ostenderem. Vos autem rumore comperto ad saepta urbis tamquam ventorum famuli convolastis et quem pacis diebus iugiter rura tenuerant, nunc de murorum latebris non educunt. Enim vero quam vos ante civitas flagitabat. tam nunc intra moenia collocatum quaerit relicta possessio. DE DVBIIS NOMINIBVS P. 591, 3 K. Squalor generis masculini, ut Avitus: squalore vicino FLODOARDVS HISTORIARVM ECCLESIAE REMENSIS LIB. III CAP. 21. [Hincmarus Remensis archiepiscopus] Adoni Viennensi archiepiscopo scribit inter cetera pro epistola beati Aviti ad sanctum Remigium scripta, quam quidam Rotfridus monachus ei dixerat se apud eundem Adonem legisse. ALCIMI ECDICII AVITI VIENNENSIS EPISCOPI EX HOMILIARVM LIBRO QVAE RESTANT.