Letter 2005: King Theodoric to Faustus, Praetorian Prefect.
V. FAUSTO PPO THEODERICUS REX.
[1] Cum nostra humanitas locum munificentiae videatur exquirere et interdum personis minus necessariis amore clementiae sua desideria largiatur, quanto magis in utilitate rei publicae delectatur expendere, ubi quicquid tribuitur, donantis utilitas duplicatur! quapropter illustrem magnificentiam tuam praesenti auctoritate praecipimus sexaginta militibus in Augustanis clusuris iugiter constitutis annonas, sicut aliis quoque decretae sunt, sine aliqua dubitatione praestare, ut utilitas rei publicae grato animo compleatur, quae emolumentorum commoditatibus adiuvatur. [2] Decet enim cogitare de militis transactione, qui pro generali quiete finalibus locis noscitur insudare et quasi a quadam porta provinciae gentiles introitus probatur excludere. in procinctu semper erit, qui barbaros prohibere contendit, quia solus metus cohibet, quos fides promissa non retinet.
Related Letters
The bearer of this letter compelled me to take up my pen again — not that I needed much compelling.
A sick spirit endures silence no more than a sick body endures stillness.
The man who labors at unnecessary expense to secure a favor works in vain when the same result would have come...
The road to a favorable hearing is easier when the petition comes from a source that the powerful already trust.
Ennodius the deacon to his lord Faustus.